Pwdin

Pwdin

Enghraifft o'r canlynol	math o fwyd neu saig
Math	saig, pwdin
Ffeiliau perthnasol ar Gomin Wicimedia

Math o fwyd yw pwdin. Gall fod naill ai'n bryd melys wedi'i weini ar ôl y prif bryd, neu'n saig sawrus (hallt neu sbeislyd), wedi'i weini fel rhan o'r prif bryd.^[1] Tueddir i ddefnyddio'r gair "pwdin", oni bai bod yn amlwg o'r enw, fel y gair Cymraeg am yr hyn a elwir yn "dessert" yn Saesneg.^[2]

Yn y Deyrnas Unedig, Iwerddon a rhai o wledydd y Gymanwlad, defnyddir y gair "pudding" i ddisgrifio seigiau melys a sawrus. Mae pwdinau sawrus yn cynnwys Pwdin Efrog, black pudding (pwdin gwaed), pwdin siwed a phwdin stêc ac aren. Oni bai ei fod yn gymwys, fodd bynnag, mae "pwdin" fel arfer yn golygu ac yn gyfystyr â saig melys ('dessert' yn Saesneg) yn y Deyrnas Unedig a'r Gymraeg.^[3] Gall pwdinau a wneir ar gyfer pryd melys gael eu berwi a'u stemio, pwdinau pob, pwdinau bara, pwdinau cytew, pwdinau llaeth neu hyd yn oed jeli.^[4]

Mewn rhai gwledydd yn y Gymanwlad gelwir y pwdinau hyn yn gwstard (neu geuled "curd") os ydynt wedi'u tewhau gan wy, fel blancmange os yw'n drwchus o startsh, ac fel jeli os yw'n seiliedig ar gelatin. Gall pwdin hefyd gyfeirio at seigiau eraill fel pwdin bara menyn a phwdin reis, er bod yr enwau hyn fel arfer yn deillio o'u tarddiad fel seigiau Prydeinig.

Yn yr Unol Daleithiau, mae pwdin yn golygu pwdin melys, wedi'i seilio ar laeth, sy'n debyg o ran cysondeb i gwstard wy, cwstard gwib neu mousse, sy'n aml wedi'i osod yn fasnachol gan ddefnyddio startsh corn, gelatin neu asiant ceulo tebyg fel Jell-O.

1. ↑ "pwdin". Geiriadur Prifysgol Cymru. Cyrchwyd 24 Gorffennaf 2024.
2. ↑ "Bocs Pwdin About Us". Gwefan Bocs Pwdin. Cyrchwyd 24 Gorffennaf 2024.
3. ↑ Oxford English Dictionary
4. ↑ Ysewijn, Regula (2016). Pride and pudding: the history of British puddings savoury and sweet. Bruno Vergauwen. Sydney. ISBN 978-1-74336-738-4. OCLC 941070366.